«Тірі тағамның», яғни пайдалы тағамның бір сипаттамасы – одан шырынын сығып алуға болады. Жаңа піскен көкөністер мен жемістер – «тірі тағамның» негізі болып табылады. Олардың құрамында дәрумендер, минералдар мен өсімдік талшықтары сияқты көптеген пайдалы заттар бар. Көкөністер мен жемістерді қаншалықты көп қолдансаңыз, жүрек қан тамырлары аурулары, қатерлі ісік, диабет және денсаулыққа қатысты мәселелердің соғырлым аз болатындығы ғылыми дәлелденген.
Дей тұрғанмен, жаңа сығылған шырындар дәрумендер мен минералды заттарға бай болғанымен, тұтас жемістердің (жаңа піскен, мұздатылған консервленген немесе құрғақ) шырындары пайдалы болып саналады. Мәселе мынада, тұтас жемістер өсімдік талшықтарының көзі болып табылады, ал шырындарда бұл жоқ. Бұдан бөлек шырындарда қарапайым қанттың фруктозаның концентрациясы жоғары болып келеді, бұл құнарлықты арттырып және бауырға қосымша ауыртпалық тудырады. Бауырда фруктозаның зат алмасуы болып, ол майға айналуы мүмкін.
Ең дұрысы, көкөністер мен жемістерді шикілей түрінде тұтынған жөн. Бұл пайдалы ферменттерді сақтап, сіздің денеңіздегі маңызды химиялық үдеріс кезінде қолданатын заттарды қуаттайды. Сондай-ақ, көкөністер мен жемістерді сыртқы қабығымен тұтынуға кеңес беріледі, өйткені оның құрамы пайдалы дәрумендер мен минералдарға бай. Тыңайтқыштардың қалдықтары мен ауыл шаруашылығында қолданылатын химикаттардан тазалау үшін, көкөністер мен жемістерді қолданар алдында мұқият жуып, шайып алу керек.
Бұл тұрғыда органикалық немесе экологиялық таза өнімдерді тұтынған абзал. Олар көң, компост сияқты табиғи тыңайтқыштардың көмегімен өсіріледі. Сонымен қатар, химиялық тыңайтқыштар мен пестицидтер қолданылмайды.
Көкөністер әр түрлі қоректік заттардың құрамымен ерекшеленеді, олар кейбір көкөністерде болғанымен, басқаларында болмайды. Сол себепті көкөністердің әр түрлі топтарын кезек-кезек ауыстырып қолдануға кеңес беріледі: қою-жасыл көкөністер, бұршақ тұқымдастар, сары-қызғылт сарғыш көкөністер, құрамында крахмал мөлшері жоғары және басқа да көкөністер. Осылайша әртүрлілік басқа қоректік заттардың жеткілікті мөлшерін алуға ықпал етеді.
Басқа да пайдалы медициналық ақпараттарды anamed.kz сайтынан оқи аласыз.