Bul ne? Jambas músheleriniń qabynýy (JMQ) – bul termın jatyrdyń fallopıı tútiginiń, analyq bezderdiń qabynýyn (áıeldiń jambas aǵzalary) sıpattaý úshin paıdalanylady. JMQ ádette bakterııalyq ınfektsııalardy shaqyrady, mysaly, gonoreıa nemese hlamıdıoz. Ádette, jatyr ishilik spıraldy qoldanatyn áıelderde JMQ qaýpi joǵary, sebebi spıral – bakterııalardyń jatyrdyń ishine, tútikke jáne analyq bezderge enýine múmkindik beredi. Jambas músheleriniń qabynýy 25 jasqa deıingi jáne tósek qatynasynda belsendi áıelderde jıi kezdesedi.
JMQ esh sımptomsyz paıda bolýy múmkin. Alaıda, olar bolǵannyń ózinde, mynalardy qamtýy múmkin:
• Bel aımaǵyndaǵy aýrý sezimi: ádette, bir nemese eki aıaqqa da berilýi múmkin.
• Júrek aınýy, dene qyzýynyń joǵarylaýy.
• Deneniń álsizdigi nemese yńǵaısyzdyq sezimi.
• Jynystyq qatynas kezindegi aýrý sezimi.
• Mezgilsiz menstrýaldy qan ketýler .
Qandaı asqynýlary bar? Jambas ınfektsııasynan keıin tyrtyq qalsa, ol keıin qatty aýyrtyp, bedeýlikke deıin sebepshi bolýy múmkin. Sondaı-aq, JMQ, áıelderde jatyrdan tys júktilik qaýpin týdyrýy da ǵajap emes. Eger alda-jalda jaǵdaı soǵan aparsa, uryq jumyrtqasy jatyrdan tys, fallopıı tútigine enip, ishtegi basqa múshelerge keri áser etedi. Jatyrdan tys júktilik qaýpi, saý áıelderge qaraǵanda, JMQ-men zardap shekken naýqastarda 7-10 ese joǵary kezdesedi. Buryn-sondy jambas músheleriniń qabynýy bolǵan áıelderdiń de, bul aýrýǵa qaıta dýshar bolyp qalýy ábden múmkin.
Emdeý
Emdeý kezinde qabynýǵa jáne bakterııaǵa qarsy dáriler qamtylady. Klınıkalyq aýrý sımptomdary bar áıelder, dárigerge qaralýdan buryn jynystyq qatynasty toqtata turǵany durys. Bul amal arqyly olar óz joldasynyń ınfektsııamen zalaldanýynyń aldyn alady.
Tegter:
gonoreıa
hlamıdıoz
tómengi jaqtyń aýrýy
etekkirdiń buzylýy